ಗೋವುಗಳೊಂದಿಗೆ ಸಂಭ್ರಮಿಸಿದ ಸಿರಿವಂತರ ಮಕ್ಕಳು!
ಉಡುಪಿ: ಉಡುಪಿಯ ಪ್ರತಿಷ್ಠಿತ ಶಾರದಾ ರೆಸಿಡೆನ್ಶಿಯಲ್ ಶಾಲೆಯ ಸುಮಾರು 100 ವಿದ್ಯಾರ್ಥಿಗಳು ಶುಕ್ರವಾರದಂದು ನೀಲಾವರ ಗೋಶಾಲೆಗೆ ಪ್ರವಾಸಗೈದರು. ಬಹುತೇಕ ನಗರ ಪ್ರದೇಶಗಳ ಸಿರಿವಂತರ ಮಕ್ಕಳೇ ಆಗಿರುವ ಇವರಿಗೆ ಗೋವಿನೊಂದಿಗಿನ ಬಾಂಧವ್ಯ ಕಲ್ಪಿಸುವ ನಿಟ್ಟಿನಲ್ಲಿ ಶಾಲೆಯ ನಿರ್ದೇಶಕ ವಿದ್ಯಾವಂತ ಆಚಾರ್ಯರು ಮತ್ತು ಅಧ್ಯಾಪಕ ವೃಂದ ಈ ಪ್ರವಾಸವನ್ನು ಕಲ್ಪಿಸಿದ್ದರು.
3-4 ವರ್ಷಗಳಿಂದಲೂ ಈ ಪ್ರವಾಸ ಮಾಡಿಸುತ್ತಿದ್ದಾರೆ. 2-3 ಘಂಟೆಗಳ ಕಾಲ ಮಕ್ಕಳು ಗೋಶಾಲೆಯ ಗೋವುಗಳೊಂದಿಗೆ ಬೆರೆತು ಸಂಭ್ರಮಿಸಿದ್ದು ವಿಶೇಷ. ವಿಶಾಲವಾದ ಕೆರೆ ಅದರ ನಡುವೆ ಇರುವ ಶ್ರೀ ಕೃಷ್ಣನಗುಡಿಯನ್ನೂ ಕಂಡು ಖುಷಿಪಟ್ಟರು. ಗೋಶಾಲೆಯ ಮೆನೇಜರ್ ಆಶ್ರಿತ್ ಗೋಶಾಲೆಯ ಬಗ್ಗೆ ವಿವರಿಸಿದರು. ಆತಿಥ್ಯವಾಗಿ ನೀಡಿದ ಪಾನಕವನ್ನೂ ಸವಿದು ಮಕ್ಕಳು ತೆರಳಿದರು.
