ಕಾರುಣ್ಯದ ಅರಿವಿನ ಕಡಲಿನ ನೀಲಾಕಾಶ
ಅಮೃತಸಿದ್ಧಿ ಯೋಗಿ ಶ್ರೀಯಾಜ್ಞವಲ್ಕ್ಯಗುರು!
ಹೆಪ್ಪಿಟ್ಟ ಪ್ರೀತಿಯ ಜೇನು ಶ್ರೀಕೃಷ್ಣದ್ವೈಪಾಯನರು
ದೇವ ಕಳಿಸಿದ ಅಭಿಜಾತ ಶ್ರೀಗುರು ಜಗದ ಕಣ್ಮಣಿ!
ಅಂತ:ಕರುಣೆಯ ಗೋವು ಕುಂಭಮೇಳದ ದಿವ್ಯರೂಪ
ಅರಿವಿನ ಆಲಯದ ಪರಮ ಪವಿತ್ರ ಜ್ಞಾನಶಿಖರ ದೀಪ!
ರಾಮಾಚಾರ್ಯರು ಸೀತಾತಾಯಿ ಮಾಣಿಕ್ಯರು
ಸುಧೆಯ ನಿಧಿ ಸಿರಿ ಸೂಯ೯ನ ಹೊಂಗಿರಣರು!
ಪುತ್ರ ಪುತ್ರಿ ಸೊಸೆ ಮೊಮಕ್ಕಳ ಪ್ರೀತಿ ವಾತ್ಸಲ್ಯವು
'ಗೋಪಾಲಕೃಷ್ಣಾಶ್ರಮ' ನಾಮಸ್ಮರಣೆಯಭಿಷೇಕ!
ಶ್ರೀರಾಮ ಬಂದ ನೋಡಿಲ್ಲಿ ಸತ್ಯ ಸಾಕ್ಷಾತ್ಕಾರದಲಿ
ವಿಷ್ಣುಪ್ರಕಾಶವೇ ಅಮೃತ ಸಂಜೀವಿನಿ ಜೇಂಗೋಡ!
ನಾಗರಾಳ ಆಚಾರ್ಯರ ವಿಠ್ಠಲಕೃಷ್ಣ ಸ್ಮರಣೆಯು
ಬಾಳಿಗೆ ಬೆಳಕು ಬೀರಿತು ಆ ದಿವ್ಯ ಸಂಜೀವಿನಿಯು!
ಹನುಮನ ಭಕ್ತಿರಸ ಬೆಳಕಿನ ಮಧುರ ಪಾಯಸ
ಗೋಶಾಲೆ ಸಾರಥ್ಯದ ಸವಿಸವಿ ಅಪ್ಪಿಪಾಯಸ!
ಗೋಶಾಲೆಯನು ತೆರೆದು ಗೋವು ರಕ್ಷಣೆ ಮಾಡಿದ
ಆಚಾರ್ಯರಿಗೆ ಸಾಟಿ ಯಾರು ಹೇಳಿ ಸುರಗಿರಿಯಲಿ?
ಶ್ರೀಶಾಂತ ನಿವಾಸ ಪ್ರೀತಿ ಒಲುಮೆ ಮಕರಂದದ
ಶ್ರೀಲಕ್ಷ್ಮಿನಾರಾಯಣ ಜಗಕೆ ಜೈ ಕೃಷ್ಣಾಮೃತಸಾರ!
ಪಿತೃವಾತ್ಸಲ್ಯವಿಲ್ಲದ ಸ್ವರ್ಗ ಎಲ್ಲಿದೆ ಜಗದಲಿ?
ಅದುವೇ ಎಲ್ಲ ಹರಿದ್ರಾ ಕುಂಕುಮ ಸೌಭಾಗ್ಯ!
- ಶ್ರೀನಿವಾಸ ಜಾಲವಾದಿ, ಸುರಪುರ
9886563179
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್‌ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
