ಮಂಗಳೂರು: ಸಂತ ಅಲೋಶಿಯಸ್ ಪರಿಗಣಿತ ವಿಶ್ವವಿದ್ಯಾಲಯದ ಭಾಷೆ ಮತ್ತು ಸಂಸ್ಕೃತಿ ಅಧ್ಯಯನ ನಿಕೇತನದ ಕೊಂಕಣಿ ವಿಭಾಗ ಮತ್ತು ಕೊಂಕಣಿ ಸಂಘ ಹಾಗೂ CASK ಇವರ ಜಂಟಿ ಆಶ್ರಯದಲ್ಲಿ ಅಂತರಾಷ್ಟ್ರೀಯ ಮಾತೃ ಭಾಷಾ ದಿನಾಚರಣೆಯ ಪ್ರಯುಕ್ತ ‘ಕೊಂಕಣಿ ವೊವಿಯೊ – ವೇರ್ಸ್’ ಕೊಂಕಣಿ ಕ್ರಿಶ್ಚಿಯನ್ ಭಾಷಿಗರ ಮದುವೆ ಹಾಡುಗಳ ಕಾರ್ಯಾಗಾರವನ್ನು ವಿಶ್ವವಿದ್ಯಾನಿಲಯದ ಸಭಾಂಗಣದಲ್ಲಿ ಆಯೋಜಿಸಲಾಗಿತ್ತು.
ಸಂತ ಅಲೋಶಿಯಸ್ ಸ್ವಾಯತ್ತ ಕಾಲೇಜಿನ ಕುಲಸಚಿವರಾದ ಡಾ. ಆಲ್ವಿನ್ ಡೆ’ಸಾ ಈ ಕಾರ್ಯಕ್ರಮವನ್ನು ಸಾಂಕೇತಿಕವಾಗಿ ಉದ್ಘಾಟಿಸಿದರು. CASK ಸಂಘದ ಅಧ್ಯಕ್ಷ ರೊನಾಲ್ಡ್ ಗೋಮ್ಸ್ ರವರು ವೊವಿಯೊ ಹಾಡಿ ತಮ್ಮ ಸಂದೇಶದೊಂದಿಗೆ ವೀಕ್ಷಕರನ್ನ ರಂಜಿಸುತ್ತಾ ಮಾತೃಭಾಷೆ ಕೊಂಕಣಿಗೆ ಸೇವೆ ಸಲ್ಲಿಸಲು ತಾನು ಎಂದಿಗೂ ಸಿದ್ಧ ಎಂದು ಹೇಳಿದರು.
ಈ ಕಾರ್ಯಾಗಾರವನ್ನು ಸಂತ ಅಲೋಶಿಯಸ್ ಕಾಲೇಜಿನ ಹಳೆ ವಿದ್ಯಾರ್ಥಿನಿ ಶಿಕ್ಷಕಿ ಹಾಗೂ ಜನಪ್ರಿಯ ನಟಿ ಸಪ್ನ ಕ್ರಾಸ್ತ ಸುಮಾರು 200 ವಿದ್ಯಾರ್ಥಿ ಗಳಿಗೆ ಪ್ರಾತ್ಯಕ್ಷಿಕೆ ಮುಖಾಂತರ ನಡೆಸಿ ಕೊಟ್ಟರು. ‘ವೊವಿಯೊ – ವೇರ್ಸ್’ ಕೊಂಕಣಿ ಕ್ರಿಶ್ಚಿಯನ್ ಭಾಷಿಗರಲ್ಲಿ ಅದೂ ಮುಖ್ಯವಾಗಿ ಕರಾವಳಿ ಕೊಂಕಣಿ ಜಾನಪದೀಯರಲ್ಲಿ ಪ್ರಮುಖವಾದ ಸಂಸ್ಕೃತಿ. ಈ ಮದುವೆ ಹಾಡುಗಳನ್ನು ಕೊಂಕಣಿಗರು ಗೋವಾದಿಂದ ವಲಸೆ ಬರುವಾಗ ತಮ್ಮೊಂದಿಗೆ ತಂದು ಬಂದಿದ್ದು, ಇವತ್ತಿಗೂ ಈ ಹಾಡುಗಳು ಮದುವೆ – ರೋಸ್ ಸಂಪ್ರದಾಯದಲ್ಲಿ ಜೀವಂತವಾಗಿವೆ.
ಈ ಕಾರ್ಯಕ್ರಮವನ್ನು ಕೊಂಕಣಿ ವಿಭಾಗದ ಮುಖ್ಯಸ್ಥೆ ಫ್ಲೋರಾ ಕಾಸ್ತೆಲಿನೊ ಸಂಘಟಿಸಿದ್ದರು. ಕು. ವಿಲೋನ ಡಿಕುನ್ಹಾ ಕಾರ್ಯಕ್ರಮ ನಿರೂಪಿಸಿದರು. ಸಾಂಸ್ಕೃತಿಕ ಕಾರ್ಯದರ್ಶಿ ಕು. ಆಶೆಲ್ ಟೆಲ್ಲಿಸ್ ಸ್ವಾಗತಸಿದರು. ‘ಪರ್ಜಳ್’ ಪತ್ರಿಕೆಯ ಸಂಪಾದಕಿ ಕು. ಅನ್ವಿತ ಡಿಕುನ್ಹಾ ವಂದಿಸಿದರು.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
