ಬಳ್ಳಾರಿ: ಬಳ್ಳಾರಿ ಮಹಾನಗರ ಪಾಲಿಕೆ ವ್ಯಾಪ್ತಿಯಡಿ ಬರುವ ವಿವಿಧ ಬಗೆಯ ಆಸ್ತಿಗಳ ವಿವರ ಮಾಹಿತಿಯನ್ನು ಕೆ.ಎಂ.ಎಫ್-24 ತಂತ್ರಾಂಶದಲ್ಲಿ ಸೇರ್ಪಡೆಗೊಳಿಸುವುದು ಅವಶ್ಯಕವಾಗಿದೆ ಎಂದು ಮಹಾನಗರ ಪಾಲಿಕೆಯ ಆಯುಕ್ತ ಖಲೀಲ್ ಸಾಬ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಪಾಲಿಕೆಯಡಿ ಬರುವ ಸ್ವತ್ತುಗಳಾದ ಇಲಾಖೆ, ಸರ್ಕಾರಿ, ಅರೆಸರ್ಕಾರಿ, ಸಂಘ-ಸಂಸ್ಥೆ, ಕಚೇರಿ, ವಸತಿ ಗೃಹ, ಸಮುದಾಯ ಭವನ, ಆಸ್ಪತ್ರೆ, ಪೊಲೀಸ್ ಸ್ಟೇಷನ್, ಶಾಲೆ, ಕಾಲೇಜು, ಮೈದಾನ, ಆಟದ ಮೈದಾನ, ದೇವಸ್ಥಾನ, ಚರ್ಚ್, ಮಸೀದಿ, ಪ್ರಾರ್ಥನಾ ಮಂದಿರ, ರಂಗಮಂದಿರ, ಖಾಲಿ ನಿವೇಶನ, ವಾಣಿಜ್ಯ ಕಟ್ಟಡ, ವಾಣಿಜ್ಯ ನಿವೇಶನಗಳು, ಉಗ್ರಾಣ(ಸ್ಟೋರ್) ಇತ್ಯಾದಿ ಸ್ವತ್ತುಗಳ ಮಾಹಿತಿಯನ್ನು ಕೆ.ಎಂ.ಎಫ್-24 ತಂತ್ರಾಂಶದಲ್ಲಿ ಸೇರ್ಪಡೆಗೊಳಿಸುವುದರೊಂದಿಗೆ ಸ್ವತ್ತುಗಳ ಆಸ್ತಿ ತೆರಿಗೆ ಪಾವತಿ ಬಾಕಿ ಇದ್ದಲ್ಲಿ ಪಾವತಿಸಬೇಕು ಎಂದು ತಿಳಿಸಿದೆ.
ವಿವಿಧ ಇಲಾಖೆಗಳ ಕಚೇರಿಯ ಅಧಿಕಾರಿ ಅಥವಾ ಸಿಬ್ಬಂದಿಗಳು ಬಳ್ಳಾರಿ ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಸ್ವಂತ ನಿವೇಶನ ಮತ್ತು ಕಟ್ಟಡಗಳನ್ನು ಹೊಂದಿದ್ದಲ್ಲಿ ಆ ಸ್ವತ್ತುಗಳನ್ನೂ ಸಹ ಕಾಲೋಚಿತಗೊಳಿಸಬೇಕು ಹಾಗೂ ಸ್ವತ್ತುಗಳ ಆಸ್ತಿ ತೆರಿಗೆ ಪಾವತಿ ಬಾಕಿ ಇದ್ದಲ್ಲಿ ಪಾವತಿಸುವುದು ಅವಶ್ಯಕವಾಗಿದೆ.
ಬೇಕಾದ ದಾಖಲೆಗಳು:-
ಸರ್ಕಾರದ ಆದೇಶದ ಪ್ರತಿ, ಕರಾರು ಪತ್ರ, ಸ್ವಾಧೀನ ಪತ್ರ, ಸೇಲ್ ಡೀಡ್, ಗಿಫ್ಟ್ ಡೀಡ್, ರಿಲೀಜ್ ಡೀಡ್, ವರ್ಗಾವಣೆ, ನ್ಯಾಯಾಲಯದ ಆದೇಶ ಪತ್ರ, ಅದಲು ಬದಲು ಪತ್ರ ಸೇರಿದಂತೆ ಇತರೆ ನೋಂದಾಯಿತ ಪತ್ರ.ಭೂಪರಿವರ್ತನಾ ಆದೇಶ ಪತ್ರ, ಅನುಮೋದಿತ ವಿನ್ಯಾಸ ನಕ್ಷೆ, ಋಣಭಾರ ಪ್ರಮಾಣ ಪತ್ರ (ನಮೂನೆ-15), ಸರ್ವೆ ನಕಾಶೆ, ಪ್ರಸ್ತುತ ಸಾಲಿನ ತೆರಿಗೆ ಪಾವತಿಸಿದ ರಸೀದಿ ನಕಲು ಪ್ರತಿಗಳು, ನೀರಿನ ಶುಲ್ಕ, ಒಳಚರಂಡಿ ಮತ್ತು ಕರೆಂಟ್ ಬಿಲ್ ಪಾವತಿಸಿದ ರಸೀದಿ ನಕಲು ಪ್ರತಿಗಳು, ಕಟ್ಟಡ ಅಥವಾ ಖಾಲಿ ನಿವೇಶನದ ಭಾವಚಿತ್ರ ಸಲ್ಲಿಸಬೇಕು.
ಇಲಾಖೆ, ಕಚೇರಿಯ ಸ್ವತ್ತುಗಳ ಅಗತ್ಯ ದಾಖಲೆಗಳನ್ನು ಕೆಎಂಎಫ್ ತಂತ್ರಾಂಶದಲ್ಲಿ ನೋಂದಾಯಿಸಲು ಮಹಾನಗರಪಾಲಿಕೆಯ ವಲಯ ಕಚೇರಿ-1ರ ವಲಯ ಆಯುಕ್ತ ಗುರುರಾಜ್ ಸೌದಿ ಅವರನ್ನು ನೋಡಲ್ ಅಧಿಕಾರಿಯನ್ನಾಗಿ ನೇಮಿಸಿದ್ದು, ಅವರಿಗೆ ಅಗತ್ಯ ದಾಖಲೆಗಳನ್ನು ನೀಡಿ ನೋಂದಾಯಿಸಬಹುದು. ಮಾಹಿತಿಗಾಗಿ ಮೊ.9482950502 ಗೆ ಸಂಪರ್ಕಿಸಬಹುದು ಎಂದು ಬಳ್ಳಾರಿ ಮಹಾನಗರ ಪಾಲಿಕೆ ಕಚೇರಿ ಪ್ರಕಟಣೆಯಲ್ಲಿ ತಿಳಿಸಿದೆ.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
