-ಪದ್ಮಿನಿ ಜಿ. ಮೈಸೂರು

|| ಹರೇ ರಾಮ||

ಭಗವಾನ್ ಶ್ರೀ ರಾಮನ ವ್ಯಕ್ತಿತ್ವವು ಅತ್ಯುತ್ತಮ ಧರ್ಮಾತ್ಮನ ವ್ಯಕ್ತಿತ್ವ. ಹಾಗಾಗಿ ಶ್ರೀ ರಾಮನನ್ನು “ಮರ್ಯಾದಾ ಪುರುಷೋತ್ತಮ” ಎಂದು ಕರೆಯುತ್ತಾರೆ. ಅವರು ಮಾನವ ಸಂಸ್ಕೃತಿಗೆ ಆದರ್ಶ ನಡವಳಿಕೆಯ ಮಾರ್ಗವನ್ನು ಸ್ಥಾಪಿಸಿದರು.

ಶ್ರೀ ರಾಮ ರಾಜ್ಯಮ ಒಂದು ಆದರ್ಶ ಸಾಮ್ರಾಜ್ಯವೆಂದು ಅತ್ಯಂತ ಪ್ರಸಿದ್ಧವಾಗಿದೆ.ರಾಮರಾಜ್ಯವೆಂದರೆ ವೇದಗಳ ತತ್ವಗಳಿಂದ ರಾಜ್ಯವು ನಡೆಯುವುದು ಎನ್ನಲಾಗಿದೆ. ವಾಲ್ಮೀಕಿ ರಾಮಾಯಣದ ಯುದ್ಧಕಾಂಡದಲ್ಲಿ ರಾಮರಾಜ್ಯವನ್ನು ವಿವರಿಸಲಾಗಿದೆ.

ಮಹರ್ಷಿ ವಾಲ್ಮೀಕಿಯು ರಾಮರಾಜ್ಯದ ಮಹತ್ವ ಮತ್ತು ಶ್ರೇಷ್ಟತೆಯನ್ನು ವಾಲ್ಮೀಕಿ ರಾಮಾಯಣದಲ್ಲಿ ಈ ರೀತಿಯಾಗಿ ಬರೆಯುತ್ತಾರೆ.

ನ ಪರ್ಯದೇವನ್ವಿಧವಾ ನ ಚ ವ್ಯಾಲಕೃತಂ |

ನ ವ್ಯಾಧಿಜನ್ ಭಯನ್ ವಾಪಿ ರಾಮಾ ರಾಜ್ಯಂ ಪ್ರಶಾಸತಿ ||

ಶ್ರೀ ರಾಮನು ರಾಜ್ಯವನ್ನು ಆಳುತ್ತಿದ್ದಾಗ ವಿಧವೆಯರು ಅಳಲು ಇರಲಿಲ್ಲ ಅಥವಾ ಕಾಡು ಪ್ರಾಣಿಗಳಿಂದ ಯಾವುದೇ ಅಪಾಯವಾಗಲಿಲ್ಲ ಅಥವಾ ರೋಗಗಳಿಂದ ಹುಟ್ಟಿದ ಯಾವುದೇ ಭಯವು ಇರಲಿಲ್ಲ

ನಿರ್ದಸ್ಯುರ ಭವಲ್ಲೋಕೋ ನಾನರ್ಥಃ ಕನ್ ಚಿದಸ್ಪೃಶತ್ |

ನ ಚ ವೃದ್ಧಾಂ ಬಾಲಾನಾಂ ಪ್ರೇತಾ ಕಾರ್ಯಣಿ ಕುವರ್ತೇ ||

ಜಗತ್ತು ಕಳ್ಳರು ಮತ್ತು ದರೋಡೆಗಳಿಂದ ದೂರವಿತ್ತು. ಯಾರು ನಿಷ್ಪ್ರಯೋಜಕರೆಂದು ಭಾವಿಸಲಿಲ್ಲ ಅಥವಾ ವೃದ್ಧರು ಯುವಕರು ಬಗ್ಗೆ ಆಚರಣೆಗಳನ್ನು ಮಾಡಲಿಲ್ಲ.ರಾಮರಾಜ್ಯದ ಬಗ್ಗೆ ಮಹರ್ಷಿ ವಾಲ್ಮೀಕಿಯವರು ತಮ್ಮ ರಾಮಾಯಣ ಮಹಾಗ್ರಂಥದಲ್ಲಿ ಉಲ್ಲೇಖಿಸಿದ್ದಾರೆ.

ರಾಮರಾಜ್ಯವೆಂದರೆ ವೇದಗಳ ತತ್ವಗಳಿಂದ ರಾಜ್ಯವು ನಡೆಯುವುದು ಎನ್ನಲಾಗಿದೆ. ವಾಲ್ಮೀಕಿ ರಾಮಾಯಣದ ಯುದ್ಧಕಾಂಡದಲ್ಲಿ ರಾಮರಾಜ್ಯವನ್ನು ವಿವರಿಸಲಾಗಿದೆ. ಮಹರ್ಷಿ ವಾಲ್ಮೀಕಿ ರಾಮರಾಜ್ಯದ ಸೌಂದರ್ಯವನ್ನು ವಾಲ್ಮೀಕಿ ರಾಮಾಯಣದಲ್ಲಿ ಬರೆಯುತ್ತಾರೆ.

ಸರ್ವಂ ಮುದಿತಮೇವಾಸಿತ್ಸರ್ವೋ

ಧರ್ಮ ಪರೋಭವತ್ |

ರಾಮ ಮೇವಾನು ಪಶ್ಯಂತೋ

ನಾಭ್ಯ ಹಿಂಸನ್ಪರಸ್ಪರಮ್ ||

ಇದರ ಅರ್ಥ ಪ್ರತಿಯೊಂದು ಜೀವಿಯೂ ಸಂತಸಗೊಂಡಿತ್ತು. ಪ್ರತಿಯೊಬ್ಬರು ಪುಣ್ಯದ ಉದ್ದೇಶವನ್ನು ಹೊಂದಿದ್ದರು. ರಾಮನ ಕಡೆಗೆ ಮಾತ್ರ ಕಣ್ಣುಗಳನ್ನು ತಿರುಗಿಸಿ,ಜೀವಿಗಳು ಒಬ್ಬರನ್ನೊಬ್ಬರು ಕೊಲ್ಲಲಿಲ್ಲ.

ಆಸನ್ವರ್ಷ ಸಹಸ್ರಾಣಿ ತಥಾ ಪುತ್ರ ಸಹಸ್ರಣಃ |

ನಿರಾಮಯೋ ವಿಶೋಕಾಶ್ಚ ರಾಮೇರಾಜ್ಯಂ ಪ್ರಶಸ್ತಿ |

ರಾಮನು ರಾಜ್ಯವನ್ನು ಆಳುತ್ತಿದ್ದಾಗ ಜನರು ಸಾವಿರರು ವರ್ಷಗಳ ಕಾಲ ತಮ್ಮ ಸಾವಿರರು ಸಂತತಿಯೊಂದಿಗೆ ಅನಾರೋಗ್ಯ ಮತ್ತು ದುಃಖದಿಂದ ಮುಕ್ತರಾಗಿದ್ದರು.

ರಾಮೋ ರಾಮೋ ರಾಮ ಇತಿ ಪ್ರಜಾನಾಮಭವನ್ ಕಥಾಃ |

ರಾಮಭೂತಂ ಜಗಭೂದ್ರಾಮೇ ರಾಜ್ಯಂ ಪ್ರಶಸ್ತಿ ||

ಈ ಮೇಲಿನ ಉಕ್ತಿಯಂತೆ ರಾಮನು ರಾಜ್ಯವನ್ನು ಆಳುತ್ತಿದ್ದಾಗ ಜನರು ಮಾತುಕತೆಯು ರಾಮ, ರಾಮ ಮತ್ತು ರಾಮನ ಸುತ್ತ ಕೇಂದ್ರೀಕೃತವಾಗಿತ್ತು, ಜಗತ್ತು ರಾಮನ ಲೋಕವಾಯಿತು.

ನಿತ್ಯಪುಷ್ಪಾ,ನಿತ್ಯಫಲಾಸ್ತರವಃ ಸ್ಕಂಧವಿಸ್ತೃತಾಃ

ಕಾಲವರ್ಷೀ ಚ ಪರ್ಜನ್ಯಃ ಸುಖಸ್ಪರ್ಶಶ್ಚ ಮಾರುತಃ ||

ಅಂದರೆ ಮರಗಳು, ಕೀಟಗಳು, ಮತ್ತು ಕೀಟಗಳಿಂದ ಯಾವುದೇ ಹಾನಿಯಾಗದಂತೆ ನಿಯಮಿತವಾಗಿ ಹೂವು ಮತ್ತು ಹಣ್ಣುಗಳನ್ನು ನೀಡುತ್ತಿದ್ದರು ಮೋಡಗಳು ಸಮಯಕ್ಕೆ ಮಳೆ ಸುರಿಯುತ್ತಿದ್ದವು ಮತ್ತು ಗಾಳಿ ಸ್ವರ್ಗಕ್ಕೆ ಆಹ್ಲಾದಕರವಾಗಿತ್ತು.

ಯಾ ವೈಶ್ಯಾಃ ಶೂದ್ರಾ ಲೋಭವಿವಜರ್ತಾಃ |

ಸ್ವ ಕರ್ಮಸು ಪುರ್ವನ್ತೇ ತೃಷ್ಠಾ ಸ್ವೈರೇವ ಕರ್ಮಭಿಃ ||

ಆಸನ್ ಪ್ರಜಾ ದರ್ಮಪರಾ ರಾಮೇ ಶಾಸತಿ ನಾನೃತಾಃ |

ಸರ್ವೆ ಲಕ್ಷಣ ಸಮ್ಪನ್ನಾಃ ಸರ್ವೇ ಧರ್ಮ ಪರಾಯಣಾಃ ||

ಬ್ರಾಹ್ಮಣರು, ಕ್ಷತ್ರಿಯರು, ವೈಶ್ಯರು ಮತ್ತು ಶುದ್ರರು ತಮ್ಮದೇ ಆದ ಕರ್ತವ್ಯಗಳನ್ನು ನಿರ್ವಹಿಸುತ್ತಿದ್ದರು. ತಮ್ಮ ಸ್ವಂತ ಕೆಲಸದಲ್ಲಿ ತೃಪ್ತರಾಗುತ್ತಾರೆ ಮತ್ತು ಯಾವುದೇ ದುರಾಸೆಯಿಂದ ದೂರವಿರುತ್ತಾರೆ.ರಾಮನು ಆಳ್ವಿಕೆ ನಡೆಸುತ್ತಿದ್ದಾಗ ಜನರು ಸದ್ಗುಣವನ್ನು ಹೊಂದಿದ್ದರು ಮತ್ತು ಸುಳ್ಳು ಹೇಳದೆ ಬದುಕುತ್ತಿದ್ದರು. ಎಲ್ಲಾ ಜನರು ಅತ್ಯುತ್ತಮ ಗುಣಲಕ್ಷಣಗಳನ್ನು ಹೊಂದಿದ್ದರು. ಎಲ್ಲರೂ ಪುಣ್ಯದಲ್ಲಿ ನಿರತರಾಗಿದ್ದರು.

ರಾಜನ ಪಾತ್ರದ ಶಕ್ತಿ ಮತ್ತು ಸ್ಥಿತಿಸ್ಥಾಪಕತ್ವಕ್ಕೆ ಇದಕ್ಕಿಂತ ಉತ್ತಮ ಪುರಾವೆ ಏನು ಬೇಕು. ಮರ್ಯಾದಾ ಪುರುಷೋತ್ತಮ ಶ್ರೀ ರಾಮನು ನಿಜವಾಗಿಯೂ ರಾಜರ ರಾಜ. ನಿಷ್ಠಾವಂತ, ಧರ್ಮಿಷ್ಠ ರಾಜ. ಅವನು ನಮ್ಮ ಮನಸ್ಸು ಮತ್ತು ಹೃದಯದಲ್ಲಿ ಸರ್ವೋಚ್ಛ ಆಳ್ವಿಕೆ ನಡೆಸುತ್ತಾರೆ.

ಶ್ರೀ ರಾಮನು ಆದರ್ಶ ಸ್ನೇಹಿತ ಮತ್ತು ಆದರ್ಶ ರಾಜ ರಾವಣನ್ನು ಬಿಟ್ಟು ವಿಭೀಷಣನ್ನು ಶ್ರೀ ರಾಮನ ಬಳಿಗೆ ಬಂದಾಗ, ಶ್ರೀ ರಾಮನು ಲಂಕೆಯನ್ನು ಗೆಲ್ಲುವ ಮೊದಲೇ ಅವನನ್ನು ಲಂಕೇಶನನ್ನಾಗಿ ಮಾಡಿದನು, ಶ್ರೀ ರಾಮನು ಲಂಕಾವನ್ನು ತಾನೆ ಆಳುತ್ತಿದ್ದನು. ಆದರೆ ಶ್ರೀ ರಾಮನು ಅದನ್ನು ತನ್ನ ಸ್ನೇಹಿತ ವಿಭೀಷಣನಿಗೆ ಕೊಟ್ಟನು. ಶ್ರೀ ರಾಮ ಪ್ರೇಮಮೂರ್ತಿ, ಎಲ್ಲರು ಶ್ರೀ ರಾಮನನ್ನು ಪ್ರೀತಿಸುತ್ತಿದ್ದರು ಮತ್ತು ಶ್ರೀ ರಾಮನು ನ್ಯಾಯುತ ಮತ್ತು ಸದಾಚಾರವು ಸಂತೋಷ ಮತ್ತು ಸಮೃದ್ಧಿಯನ್ನು ತಂದಿತು. ಹಾಗಾಗಿ ಅವನ ರಾಜ್ಯವನ್ನು ರಾಮರಾಜ್ಯ ಎಂದು ಕರೆಯಲು ಕಾರಣವಾಯಿತು. ರಾಮನಾಮದಲ್ಲಿ ಶಾಶ್ವತವಾಗಿ ಉಳಿಯುವ ಮೂಲಕ ಹನುಮಾನ್ ಜಿ ರಾಮರಾಜ್ಯವನ್ನು ಅರ್ಥಮಾಡಿಕೊಂಡರು.

ಒಟ್ಟಾರೆಯಾಗಿ ಶ್ರೀ ರಾಮನ ಆಳ್ವಿಕೆಯಲ್ಲಿ ಅಯೋಧ್ಯೆಯ ಪ್ರತಿಒಬ್ಬರು ಎಲ್ಲಾ ಮಂಗಳಕರ ಗುಣಗಳಿಂದ ಆಶೀವರ್ದಿಸಲ್ಪಟ್ಟರು. ಧರ್ಮ ಸಾಮರಸ್ಯ, ಸಮೃದ್ಧಿ ಎಲ್ಲರಲ್ಲೂ ಇತ್ತು.

ಒಟ್ಟಿನಲ್ಲಿ ರಾಮಯಣದಲ್ಲಿ ಬರುವ ಪ್ರಮುಖ ರಾಜಕೀಯ ವಿಚಾರಗಳು ರಾಜಧರ್ಮವನ್ನು ರಾಜ ಹೇಗೆ ಪಾಲಿಸಬೇಕೆಂಬುದನ್ನು ತಿಳಿಸುತ್ತಾ ರಾಮರಾಜ್ಯದ ಪರಿಕಲ್ಪನೆಯ ಮೂಲಕ ಉತ್ತಮ ರಾಜಕೀಯ ವ್ಯವಸ್ಧೆಯನ್ನು ಹೇಗೆ ಕಟ್ಟಬೇಕೆಂಬುದನ್ನು ತಿಳಿಸಿ ಕೊಡುತ್ತದೆ.

ರಾಮರಾಜ್ಯದ ಬಗ್ಗೆ ಗಾಂಧಿ ಪರಿಕಲ್ಪನೆ

ಒಂದು ಆದರ್ಶ ರಾಜ್ಯವು ಹೇಗಿರಬೇಕು ಎಂಬುದರ ಕುರಿತು ಚಿಂತನೆಯನ್ನು ವ್ಯಕ್ತಪಡಿಸುತ್ತಾ ಮಹಾತ್ಮ ಗಾಂಧೀಜಿಯವರು ರಾಮರಾಜ್ಯದ ಪರಿಕಲ್ಪನೆಯನ್ನು ಜಗತ್ತಿಗೆ ಪರಿಚಯಿಸುತ್ತಾರೆ, ನಮ್ಮ ಭಾರತ ದೇಶ ರಾಮರಾಜ್ಯ ಆಗಬೇಕೆಂದು ಕನಸು ಕಾಣುತ್ತಾರೆ.

ಆಡಳಿತ ನಡೆಸುವವರು ಸದಾ ಕಾಲ ಜವಾಬ್ದಾರಿಯಿಂದ ಪ್ರಜಾ ತಾಂತ್ರಿಕವಾಗಿ ಜನರ ಹಿತಕ್ಕಾಗಿ ಆಳ್ವಿಕೆ ನಡೆಸಿದಾಗ ಆಳಲ್ಪಡುವವರು ಶಾಂತಿ ಮತ್ತು ಸೌಹಾರ್ದಯುತವಾದ ಜೀವನವನ್ನು ನಡೆಸಲು ಸಾಧ್ಯವಾಗುವ ರಾಜಕೀಯ ಚಿಂತನೆಯೇ ರಾಮರಾಜ್ಯದ ಪರಿಕಲ್ಪನೆಯಾಗಿದೆ. ರಾಮರಾಜ್ಯದಲ್ಲಿ ನ್ಯಾಯ, ಸಮಾನತೆಗೆ ಆದ್ಯತೆ ನೀಡಿದ್ದು ಮತ್ತು ಸಂಘರ್ಷ ರಹಿತ ಸಮಾಜವನ್ನು ಸೃಷ್ಟಿಸುವುದು ಪ್ರಮುಖ ಆದರ್ಶವಾಗಿತ್ತು.

ನಮ್ಮ ದೇಶದಲ್ಲಿ ವ್ಯಾಪಕವಾಗಿ ಪ್ರಚಲಿತದಲ್ಲಿದ್ದ ಅಸ್ಪೃಶ್ಯತೆ ಅತ್ಯಂತ ಅಮಾನವೀಯ ಮತ್ತು ಅನಿಷ್ಟದ ರೂಪದಲ್ಲಿ ರೂಢಿ ಇತ್ತು, ಅದನ್ನು ತೊಡೆದು ಹಾಕಿದರೆ ಮಾತ್ರವೇ ಮಾನವೀಯ ಭಾರತದ ನಿರ್ಮಾಣ ಸಾಧ್ಯ ಎಂಬ ದೃಢವಾದ ಚಿಂತನೆ ಗಾಂಧೀಜಿಯವರದ್ದು.

ಗಾಂಧೀಜಿಯವರು 1933ರ ನವೆಂಬರ್ ನಿಂದ 1934ರ ಆಗಸ್ಟವರೆಗೆ ಅಸ್ಪೃಶ್ಯತೆ ನಿವಾರಣೆಯ ಜಾಗೃತಿಗಾಗಿಯೇ ಭಾರತ ಯಾತ್ರೆ ಕೈಗೊಂಡರು. 12500 ಮೈಲುಗಳ ಉದ್ದಕ್ಕೂ ಯಾತ್ರೆ ಮಾಡಿದರು. ಅವರ ಯಾತ್ರೆಯನ್ನು ಬಹುಮಟ್ಟಿಗೆ ಎಲ್ಲರೂ ಸ್ವಾಗತಿಸಿದರು.

ಗಾಂಧೀಜಿಯವರು “ಮಾನವ ಜತ್ತಿಗೆ ಹೇಳಬೇಕಾದ ಸಮಾನತೆಯ ಸತ್ಯವನ್ನು ಉಚ್ಛ ಸ್ವರದಲ್ಲಿ ಹೇಳುವುದು ನನ್ನ ಆದ್ಯ ಕರ್ತವ್ಯ, ಇದಕ್ಕಾಗಿ ಜೀವ ತೆರಬೇಕಾಗಿ ಬಂದರೆ ಅದಕ್ಕೂ ನಾನು ಸಿದ್ಧನಿದ್ದೇನೆ” ಎಂದು ಹೇಳಿದರು.

ಸ್ವತಂತ್ರ ಭಾರತದಲ್ಲಿ ನಮ್ಮ ದೇಶದಲ್ಲಿದ್ದ ಅಸ್ಪರ್ಶ್ಯತೆಯ ವಿರುದ್ಧ, ಬಾಲ್ಯ ವಿವಾಹ ಪದ್ಧತಿ, ಸತಿ ಸಹಗಮನ ಪದ್ಧತಿ, ಇಂತಹ ಹಲವು ಸಾಮಾಜಿಕ ಪಿಡುಗುಗಳ ವಿರುದ್ಧ ಕಾನೂನುಗಳನ್ನು ಮಾಡಿದರು. ಈ ಕಾನೂನುಗಳ ಅನುಸಾರವಾಗಿ ಹಲವು ಸಾಮಾಜಿಕ ಪಿಡುಗುಗಳು ಅಂತ್ಯವಾಗಿರುವುದನ್ನು ನಾವು ಕಾಣಬಹುದು. ಆದರೂ ನಮ್ಮ ಮನಸ್ಸಿನ ಸಣ್ಣತನ ಪೂರ್ಣವಾಗಿ ಅಳಿದಿದೆ ಎನ್ನುವ ಸ್ಥಿತಿ ಅನುಮಾನವಾಗಿಲ್ಲ.

ಗಾಂಧೀಜಿಯವರ ಕನಸಿನ ರಾಮರಾಜ್ಯ ನಿರ್ಮಾಣವಾಗಬೇಕಾದರೆ ಭೂಮಿಯ ಮೇಲಿನ ಎಲ್ಲಾ ಜೇವಿಗಳಿಗೂ ಮರ್ಯಾದೆಯುತ ಜೀವನ ಸಿಗಬೇಕು. ಎಲ್ಲರನ್ನು ಗೌರವಿಸುವ ಭಾವನೆ ಎಲ್ಲರಲ್ಲೂ ಬೆಳೆಯಬೇಕು. ಈ ಕೆಲಸ ನಮ್ಮ ದೇಶದ ಜನರಲ್ಲಿ ಹಂತ-ಹಂತವಾಗಿ ನೆರವೇರಿರುವುದನ್ನು ನಾವು ಗಮನಿಸಬಹುದು.

ನಮ್ಮ ದೇಶದಲ್ಲಿ “ವಸುಧೈವ ಕುಟುಂಬಕಂ” ಎಂಬ ಮಾತಿನಂತೇ ಇಡೀ ವಿಶ್ವವೇ ಕುಟುಂಬ ಎಂಬ ತತ್ವವನ್ನು ಅನುಸರಿಸುತ್ತಾ ಇಲ್ಲಿ ವಿವಿಧ ಬಗೆಯ ಜನಾಂಗೀಯರು, ವಿವಿಧ ಧರ್ಮೀಯರು ಸಹಕಾರದಿಂದ, ಸಹಬಾಳ್ವೆಯಿಂದ ತಮ್ಮ ಜೀವನವನ್ನು ಸಾಗಿಸುತ್ತಿದ್ದಾರೆ.

ಒಟ್ಟಾರೆಯಾಗಿ ರಾಮರಾಜ್ಯವನ್ನು ಸ್ಥಾಪಿಸಲು ನಾವೆಲ್ಲರು ಶ್ರಮಿಸಬೇಕು. ಶ್ರೀ ರಾಮನ ಮಾರ್ಗವನ್ನು ಅನುಸರಿಸಬೇಕು. ನಾವುಗಳು ಸತ್ಯ ಮತ್ತು ಧರ್ಮದ ಮಾರ್ಗದಲ್ಲಿ ಸಾಗಬೇಕು.

ಗಾಂಧೀಜಿಯವರು ಅನೇಕ ಅಡೆತಡೆಗಳನ್ನು ಎದುರಿಸಿದರು ಮತ್ತು ಅನೇಕ ಬಾರಿ ಜೈಲಿಗೆ ಕಳುಹಿಸಿಸಲ್ಪಟ್ಟರು. ಆದರೆ ಕಷ್ಟದ ಸಮಯದಲ್ಲಿ ಶ್ರೀ ರಾಮನ ಭಜನೆಯನ್ನು ಎಂದಿಗೂ ನಿಲ್ಲಿಸಲಿಲ್ಲ.

ಮಹರ್ಷಿ ವಾಲ್ಮೀಕಿ ಹೇಳಿದರಂತೆ

ರಾಮೋ, ರಾಮೋ, ರಾಮ ಇತಿ ಪ್ರಜಾನಾಮ ಭವನ್ ಕಥಾ|

ರಾಮ ಭೂತಂ ಜಗಭೂದ್ರಾಮೇ ರಾಜ್ಯಂ ಪ್ರಶಸ್ತಿ||

ಈ ಮೇಲಿನ ಶ್ಲೋಕದ ಉಕ್ತಿಯಂತೆ ನಮ್ಮ ಜೀವನವು ಶ್ರೀ ರಾಮನ ಸುತ್ತ ಅಲ್ಲ ಆದರೆ ಶ್ರೀರಾಮನೊಂದಿಗೆ ಕೇಂದ್ರಿಕೃತವಾಗಿರಬೇಕು. ನಾವು ಮಾಡುವುದೆಲ್ಲವು ಶ್ರೀ ರಾಮನಿಗಾಗಿಯೇ ಆಗ ಬೇಕು, ಸುಡುವ ಇದ್ದಲಿನ ಮೇಲೆ ನಾವು ತಿಳಿಯದೇ ಪಾದವನ್ನು ಇಟ್ಟರೆ. ಆಗ ನಮ್ಮ ಪಾದಗಳು ಉರಿಯುತ್ತವೆ. ಆಗ ಶ್ರೀ ರಾಮನ ಹೆಸರನ್ನು ಹೇಳಿಕೊಂಡರೆ ಮೋಕ್ಷ ಪ್ರಾಪ್ತಿಯಾಅಗುತ್ತದೆ. ಈ ರೀತಿಯಾಗಿ ಮಾನವ ಜೀವನದಲ್ಲಿ ಎಂತಹ ಕಠಿಣ ಸಮಯ ಬಂದರೂ ಸಹ ಶ್ರೀ ರಾಮನಾಮವನ್ನು ಜಪಿಸಬೇಕು. ಶ್ರೀ ರಾಮನ ರಾಮ ರಾಜ್ಯದ ಆದರ್ಶಗಳನ್ನು ಪಾಲಿಸಬೇಕು.

|| ಜೈ ಶ್ರೀ ರಾಮ ||

ಭಾರತಕ್ಕೆ ಸ್ವಾತಂತ್ರ್ಯ ಬಂದಾಗಿನಿಂದಲು ಪ್ರತಿಯೊಬ್ಬ ಪ್ರಜೆಯೂ ರಾಮರಾಜ್ಯದಲ್ಲಿ ಬದುಕಬೇಕೆಂಬ ಆಸೆಯನ್ನು ಹೊಂದಿದ್ದಾನೆ. ರಾಮರಾಜ್ಯವನ್ನು ತರುವುದು ಮಹಾತ್ಮ ಗಾಂಧಿಯವರ ಆಶೆಯ ಆಗಿತ್ತು. ದುರವೃಷ್ಟವಶಾತ್ ಮಹಾತ್ಮ ಗಾಂಧಿಯವು ಸ್ವಾತಂತ್ರಯ ಬಂದ ಕೆಲವೇ ದಿನಗಳಲ್ಲಿ ನಿಧನಾರಾದರೂ. ಆದರೆ ಮಹಾತ್ಮಗಾಂಧಿಯವರೆ ಕೋನೆಯ ಪದ ’ರಾಮ’ ಎಂದು ನಮಗೆಲ್ಲರಿಗೂ ತಿಳಿದಿದೆ.

ಗಾಂಧೀಜಿಯವರು ರಘುಪತಿ ರಾಘವ ರಾಜಾ ರಾಮ್ ಪತೀತ ಪಾವನ ಸೀತಾ ರಾಮ್, ಈಶ್ವರ ಅಲ್ಲ ತೇರೇ ನಾಮ್, ಸಬಕೋ ಸನ್ಮತಿ ದೇ ಭಗವಾನ್ ಎಂಬ ಮಂತ್ರದ ಮೂಲಕ ಶ್ರೀ ರಾಮನನ್ನು ಜಪಿಸುತ್ತಿದ್ದರು.

ನಮ್ಮ ದೈನಂದಿನ ಜೀವನದಲ್ಲಿ ರಾಮರಾಜ್ಯವನ್ನು ಈ ರೀತಿಯಾಗಿ ನಾವು ಸ್ಥಾಪಿಸಬಹುದು.

1.ರಾಮರಾಜ್ಯದ ನೆನಪುಗಳು ಶತಮಾನಗಳಿಂದ ನಮಗೆ ಇಳಿಯುತ್ತಿವೆ, ಅನೇಕ ರಾಜರು ಈ ಭೂಮಿಯನ್ನು ಆಳಿದ್ದಾರೆ. ಆದರೂ ರಾಮರಾಜ್ಯವನ್ನು ಸಾಧಿಸಲು ಸಾಧ್ಯವಾಗುತ್ತಿಲ್ಲ, ಎಲ್ಲೆಡೆ ಭ್ರಷ್ಟಾಚಾರ, ಹಣದ ವ್ಯಾಮೋಹ, ಬಡತನ, ಮುಂತಾದ ಸಾಮಾಜಿಕ ವ್ಯಾವಸ್ಥೆಯಲ್ಲಿ ಸಮಸ್ಯೆಗಳು ಇವೆ. ಇಂತಹ ಸಮಸ್ಯೆಗಳನ್ನು ನಿವಾರಿಸಲು ನಾವೆಲ್ಲರೂ ಒಟ್ಟಾಗಿ ಶ್ರಮಿಸಬೇಕು.

2.ಶ್ರೀ ರಾಮನಿಗೆ ನಮ್ಮನು ನಾವು ಅರ್ಪಿಸಿಕೊಳ್ಳಬೇಕು. ಶ್ರೀ ರಾಮನು ನ್ಯಾಯ ಮತ್ತು ಸದಾಚಾರ, ದರ್ಮ ಮಾರ್ಗವನ್ನು ಅನುಸರಿಸುತ್ತಿದ್ದನು. ನಾವು ಸಹ ಶ್ರೀ ರಾಮನ ಮಾರ್ಗವನ್ನು ಅನುಸರಿಸಬೇಕು. ನಾವು ಸತ್ಯದ ದಾರಿ ನಡೆದು ಕೊಳ್ಳಬೇಕು. ಇತರರೊಂದಿಗೆ ದಯ ತೋರಿಸಬಹುದು ಮಾನವ ಜೀವನದಲ್ಲಿ ನಾವು ಕಠಿಣ ಸಮಯವನ್ನು ಎದುರಿಸಬೇಕಾಗುತ್ತದೆ. ಅಂತಹ ಸಮಯದಲ್ಲಿ ಯಾವಾಗಲು ರಾಮನಾಮವನ್ನು ಜಪಿಸಬೇಕು.

3.ಗಾಂಧೀಜಿಯವರು ಅನೇಕ ಅಡೆ-ತಡೆಗಳನ್ನು ಎದುರಿಸಿದರು ಮತ್ತು ಅನೇಕ ಬಾರಿ ಜೈಲಿಗೆ ಕಳೂಹಿಸಲ್ಪಟ್ಟರು, ಆದರೆ ಕಷ್ಟದ ಸಮಯದಲ್ಲಿ ಶ್ರೀ ರಾಮನ ಭಜನೆಯನ್ನು ಎಂದಿಗೂ ನಿಲ್ಲಿಸಲಿಲ್ಲ. ವಾಲ್ಮೀಕಿ ಮಹರ್ಷಿಯ ರಾಮಾಯಣವನ್ನು ಪ್ರಯೊಬ್ಬರು ಒದಲೇಬೇಕು. ರಾಮಾಯಣದಲ್ಲಿರುವ ಸದ್ವಿಚಾರಗಳನ್ನು ಪಾಲಿಸಬೇಕು.

ಪ್ರಜಾ ಪ್ರಭುತ್ವದಲ್ಲಿ ರಾಮರಾಜ್ಯದ ಪರಿಕಲ್ಪನೆ ಅಳವಡಿಸಿಕೊಂಡಿರುವ ಸಮಾಜ ನಮ್ಮದು. ಭಾರತೀಯ ಸಂಸ್ಕೄತಿಯ ತೊಟ್ಟಿಲೆನಿಸಿರುವ ಅಯೋಧ್ಯೆಯಲ್ಲಿ ಶ್ರೀ ರಾಮಮಂದಿರ ಪುನರುತ್ಥಾನಗೊಂಡು ಹಳೆಯ ವೈಭವಕ್ಕೆ ಮರಳುವುದು ರಾಮರಾಜ್ಯ ಸರ್ಕಾರ ಆಡಿಗಲ್ಲಾಗಿ ಐತಿಹಾಸಿಕ ಮಹತ್ವ ಹೊಂದಿದೆ.

ಪದ್ಮಿನಿ ಜಿ. W/o ಆನಂದ್

#764, ಶ್ರೀ ವೆಂಕಟೇಶ್ವರ ನಿಲಯ,

1 ನೇ ಅಡ್ಡ ರಸ್ತೆ, ಸುಭಾಷ್ ನಗರ, ಹೆಬ್ಬಾಳು,

ಮೈಸೂರು, ಮೇಟಗಳ್ಳಿ ಅಂಚೆ – 570 016.

ಮೋ|| ಸಂಖ್ಯೆ - 7483264952

ಲೇಖಕರ ಕಿರು ಪರಿಚಯ

ಶ್ರೀಮತಿ ಪದ್ಮಿನಿ ಆನಂದ್ (33) ಮೈಸೂರಿನವರು ಡಿ.ಇಡಿ ಮತ್ತು ಬಿ.ಎ. ಪದವಿಧರೆ. ಗೃಹಣಿ ಮತ್ತು ಹವ್ಯಾಸಿ ಬರಹಗಾರ್ತಿ, ಮೈಸೂರಿನ ಅಭಿರುಚಿ ಸದಸ್ಯೆಯಾಗಿದ್ದು, ಹಲವು ಲೇಖಕರ ಕಥಾಸಂಕಲನ ಪುಸ್ತಕದಲ್ಲಿ ಕತೆಗಳು ಬರೆಯುವುದು, ಕವನಗಳನ್ನು ವಾಚಿಸುವುದು ಹವ್ಯಾಸ. ಮೈಸೂರಿನ ಅಭಿರುಚಿ ಬಳಗದ ಸದಸ್ಯೆ , ಅಭಿರುಚಿ ಯುವ ಸಾಹಿತ್ಯ ರತ್ನ ಪ್ರಶಸ್ತಿ ಯನ್ನು ಪಡೆದಿದಿದ್ದಾರೆ.

ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್‌ ಆಗಿ

ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ