ದುಂಬುದಾ ಕಾಲಡ್ ಸಂಪ್ರದಾಯ, ಸಂಸ್ಕೃತಿ ಜಾಸ್ತಿ. ಸಂಪ್ರದಾಯಗ್ ಜಾಸ್ತಿ ಬೆಲೆಕೊರೊಂದಿತ್ತಿನ ನಾಡ್ ಈ ತುಳುನಾಡ್. ಒವ್ವೆ ಕಾರಣಗ್ಲ ಸ್ವಾಭಿಮಾನ, ಆಚಾರ- ವಿಚಾರ ಬುರ್ದು ಕೊರಂದಿನ ಈ ನಾಡ್..
ಪುಲ್ಯಕಾಂಡೆ, ಕೋರಿ ಕೆಲೆತ್ತ್ಂಡ ಬೊಲ್ಪು ಆಂಡ್ ದ್ ಅರ್ಥ. ಜಡ ನಿದ್ರೆ ಬುರ್ದು ಇಲ್ಲಲ್ ದ ಯಜಮಾನೆ ಲಕ್ಕ್ ದ್, ಮೆಕೈ ಮೀದ್ ದೇವೆರ್ ಗ್ ದೀಪ ದೀರ್ದ್ ಕೈ ಮುಗಿದ್ ಒಂಜಿ ಗ್ಲಾಸ್ ಚಾ ಪರ್ದ್ ಬಾಯಿಗ್ ಬಚ್ಚಿರಜೈಯಿ ಪಡೊಂದು ತರೆಟ್ ಮುಂಡಸ್, ಕೈಟ್ ಕತ್ತಿ ಪತ್ತೋಂದು ತೋಟಗ್ ಪೋಂಡ ಮೆಕೈಯಿ ಬಗ್ಗಾದ್ ಬೇಲೆ ಮತ್ತ್ಂದ್, ಬೇಗರ್ ಜಪ್ಪವೊಂದು ಇಲ್ಲಗ್ ಬತ್ತ್ ದ್ ಕೈಕಾರ್ ದೆಕ್ಕ್ ದ್, ಇಲ್ಲ್ ದ ಉಲಯಿಗ್ ಬತ್ತ್ ದ್ ಅಟ್ಟೆ ಕಾರ್ ಪಾರ್ದ್ ತೆಲಿಗಂಜಿ ಉಂಡ್ ಡ ಆ ನೆಮ್ಮದಿಯೇ ಬೇತೆ.
ಕಷ್ಟನ ಸುಖನ ಬಂಜಿಗ್ ಒಂಜಿ ಗಂಜಿ ಸೋಕುಡೆ ಪೋಪೆದ್ಂಡ್. ಅಂಚನೆ ಕಣ್ಣ್ ಮುಚ್ಚಿದ್ ಜೆತ್ತ್ಂಡ ಗಟ್ಟಿದ ನಿದ್ರೆಲ ಬರ್ಪೆದ್ಂಡ್. ಒವ್ವೆ ಸಂದರ್ಭ ಬತ್ತ್ಂಡಲ ಈ ಮಣ್ಣ್ ದ ಸತ್ಯೊಲೆಗ್ ಊರುದ ಜನಕ್ಲೆನ್ ಲೆತ್ತ್ ದ್ ಮಲ್ಪುನ ಸಂಪ್ರದಾಯನ್ ಮಲ್ಪೆದೆರ್. ಅಂಚಾದ್ ಜೀವ ಕೊರ್ದಂಡಲ ಈ ನಾಡ್ನ್ ಲ ಈ ನಾಡ್ ದ ಸಂಪ್ರದಾಯ ಸಂಸ್ಕೃತಿ ಒರಿಪಗ...
ಜೈ ಹಿಂದ್..
- ದೀಕ್ಷಾ ಗೌಡ ಜೆ
ದ್ವಿತೀಯ ವಾಣಿಜ್ಯ ವಿಭಾಗ
ವಿವೇಕಾನಂದ ಕಾಲೇಜು, ಪುತ್ತೂರು
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
