ಮಂಗಳೂರು: ಭಾರತದ ಸಾಮಾಜಿಕ ಸ್ಟಾಕ್ ಎಕ್ಸ್‌ಚೇಂಜ್ ಇತ್ತೀಚೆಗೆ ಬಿಜಿಬಿಎಸ್ ಉನ್ನತಿ ಫೌಂಡೇಶನ್ ಮೂಲಕ ದೇಶದ ಮೊದಲ ಲಿಸ್ಟಿಂಗ್‍ನ ಐತಿಹಾಸಿಕ ಕ್ಷಣವನ್ನು ದಾಖಲಿಸಿದೆ.
ಮೊದಲ ಲಿಸ್ಟಿಂಗ್ ಸುಮಾರು 1.8 ಕೋಟಿ ರೂಪಾಯಿ ನಿಧಿ ಸಂಗ್ರಹಣೆಗೆ ಸಾಕ್ಷಿಯಾಗಿದ್ದು, ಇದು ಉನ್ನತಿ ಫೌಂಡೇಶನ್‍ಗೆ ಕರ್ನಾಟಕ ಸೇರಿ ಹಲವು ರಾಜ್ಯಗಳ ಸರ್ಕಾರಿ ಕಾಲೇಜುಗಳಿಂದ ತಮ್ಮ ಅಂತಿಮ ವರ್ಷಗಳಲ್ಲಿ 10,000 ಪದವೀಧರ ಯುವಕರಿಗೆ ತರಬೇತಿ ನೀಡಲು ಅನುವು ಮಾಡಿಕೊಡುತ್ತದೆ ಎಂದು ಸೆಬಿ ಪೂರ್ಣಾವಧಿ ಸದಸ್ಯ ಅಶ್ವನಿ ಭಾಟಿಯಾ ಹೇಳಿದ್ದಾರೆ.
ಎನ್‍ಎಸ್‍ಇ ಲಿಸ್ಟೆಡ್ ಕಂಪನಿಗಳು ಕಳೆದ ಮೂರು ದಶಕಗಳಿಂದ ಮಾರುಕಟ್ಟೆಯಲ್ಲಿ ಸಾಮಾನ್ಯ ವ್ಯಕ್ತಿಯ ಭಾಗವಹಿಸುವಿಕೆಯ ಮೂಲಕ ಸಂಪತ್ತು ಸೃಷ್ಟಿ, ಉದ್ಯೋಗ ಸೃಷ್ಟಿ ಮತ್ತು ಒಟ್ಟಾರೆ ಆರ್ಥಿಕ ಬೆಳವಣಿಗೆಯ ರೂಪದಲ್ಲಿ ಸಾಮಾಜಿಕ ಪರಿಣಾಮವನ್ನು ಸೃಷ್ಟಿಸಿವೆ. ಸಾಮಾಜಿಕ ಸ್ಟಾಕ್ ಎಕ್ಸ್‍ಚೇಂಜ್‍ನಲ್ಲಿ ಪಟ್ಟಿ ಮಾಡುವುದರೊಂದಿಗೆ, ಪರಿಣಾಮವು ಬಹುಪಟ್ಟು ಹೆಚ್ಚಾಗಲಿದೆ.
ಈ ಚೌಕಟ್ಟು ಪಾರದರ್ಶಕತೆ, ವಿಶ್ವಾಸ, ದಕ್ಷತೆ, ವೆಚ್ಚ ಉಳಿತಾಯ, ಅನ್ವೇಷಣೆ, ಪರಿಣಾಮ ಮಾಪನ ಮತ್ತು ಫಲಿತಾಂಶ ಆಧಾರಿತ ಲೋಕೋಪಕಾರದಂತಹ ಹಲವಾರು ಪ್ರಯೋಜನಗಳನ್ನು ನೀಡುತ್ತದೆ ಎಂದು ಸಾಮಾಜಿಕ ಷೇರು ವಿನಿಮಯ ಸಲಹಾ ಸಮಿತಿ, ಅಧ್ಯಕ್ಷ ಡಾ. ಆರ್. ಬಾಲಸುಬ್ರಮಣ್ಯಂ, ಎನ್‍ಎಸ್‍ಇಯ ಎಂಡಿ ಮತ್ತು ಸಿಇಒ ಆಶಿಶ್‍ಕುಮಾರ್ ಚೌಹಾಣ್ ವಿವರಿಸಿದ್ದಾರೆ.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
